سەرەکی    |    دەربارە    |    پەیوەندی
About       |    حول         |    Hakkimda
             

منداڵی ساوا

منداڵی تازە لەدایک بوو بەگشتی کێشی لەنێوان ٣ بۆ ٤ کیلۆ گرامە و درێژیەکی نزیکەی ٥٠ سانتیمەترە.

 منداڵ لە سەرەتاکانی لەدایکبوونیدا خەپە و قەڵەو دەبێت چونکە بڕێکی زیادە چەوری لە لەشیدا هەیە کە هۆکارە بۆ مانەوەی لە ژیانیدا تا ئەوکاتەی شیری مەمکەکانی دایکی ئامادە و بڕی پێویست دەبێت.

 منداڵی ساوا بۆنی دەمی خۆشە چونکە ددانی نیە، ددانیش شوێنی کۆبوونەوەی بەکتریایە کە دەبێتە هۆی ناخۆشی بۆنی دەم.

منداڵی ساوا بۆنی جەستەی خۆشە بەهۆی ئەوەی ئارەق ناکاتەوە، چوونکە هێشتا لیکەڕژێنەکانی گەشەیان نەکردووە و پێنەگەیشتوون.

منداڵی ساوا توانایەکی بەهێزی هەیە بۆ گرتنی شتەکان، ئەویش بەهۆی ئەوەی بێ ویستە و کاردانەوەیەکی خۆ نەویستە.

منداڵی ساوا پێستی نەرمە، چوونکە چینەکانی کەمترە و چەوری و ڕادەی تەڕی زیاترە.

مناڵی ساوا هەستێکی زۆر بەهێزی تام کردنی هەیە ، بەهۆی ئەوەی کە لەناو دەمیدا کۆمەڵێکی زۆر چەشە گۆپکەی تێدایە.

مناڵی ساوا هەستی بۆنکردنی زۆر بەهێزترە لە کەسانی پێگەیشتوو ، ئەکرێ بۆ یارمەتی دانی بێت لە دۆزینەوەی دایکیدا.

منداڵی تازە لەدایک بوو ناتوانێت سەری کۆنتڕۆڵ بکات لەبەر ئەوە دەبێ سەری بەدەست بگریت دواتر بەچەند قۆناغێک دەتوانێت کۆنتڕۆڵی بەشەکانی لەشی بکات ، سەرەتا دەتوانێت سەری کۆنتڕۆڵ بکات،پاشان قۆڵ و دواتر قاچەکانی.

منداڵی ساوا لە نێوان چوارەم بۆ شەشەمین هەفتەی تەمەنی دا دەست دەکات بە زەردەخەنە کردن ، لە نێوان مانگی شەشەم بۆ دەیەم مانگدا دەست دەکات بە گاوگۆڵکێ کردن.

منداڵان لەنێوان نۆ مانگی بۆ هەژدە مانگی پێدەگرن و دەتوانن لەسەرپێی خۆیان بڕۆن ، لەتەمەنی دوو ساڵی دا دەتوانن شەق لە تۆپ هەڵدەن.

منداڵ لە تەمەنی هەشت مانگیدا دەتوانێت شتەکان بە دەستی بگرێت و هەروەها دەتوانێت بەدەست نان بخوات ، لە تەمەنی هەژدە مانگی بەدواوە دەتوانێت بەکەوچک و چەتاڵ نان بخوات و بەگشتیش دەتوانێت شتەکان بخاتە سەریەک و بە میکانۆ تاوەر دروست بکات.

منداڵ بە گشتی لە تەمەنی یەک ساڵی بۆ دوو ساڵیدا دەتوانێت وێنە بکێشێت.

منداڵ بەگشتی لە نێوان مانگی ١٢ بۆ ١٤ دا یەکەم ووشە دەردەبڕێت وە لە نێوان تەمەنی ١٤ بۆ ٢٤ مانگیدا دەست دەکات بە وشە پێکەوەنان وە لەتەمەنی سێ ساڵ و نیودا دەتوانێت ڕستە دروست بکات و لە نێوان تەمەنی پێنج بۆ شەش ساڵیدا فێری خوێندنەوە دەبێت.

لەتەمەنی پێنج ساڵیدا منداڵ هەموو کارامەییە سەرەتاییەکانی ژیان فێردەبێت و دەتوانێت قسەبکات و بەڕێگادا بڕوات و ڕابکات و یاری بکات و بخوات و جل لەبەربکات وە فێری هاوڕێیەتی دەبێت.


575 جار بینراوە‌
06/08/2021

باڵندەکان

       

گەردەلول

       

تەندروستی

       

ڕوناکی

       

فڕین

       

وزە

       

زەوی

       

کات

       

سروشت

       

خواردن

       

 ناونیشان

ئێسکان ـ سلێمانی

 بەردەستبوون

شەممە - پێنج شەممە
8:00 بەیانی - 5:00 ئێوارە

 پەیوەندی

009647701964436
[email protected]

 سۆشیال میدیا

             

© مافی بڵاوکردنەوەی پارێزراوە بۆ ئافەرین 2020