⦾  مێشکی مرۆڤ زیاتر لە چارەکێکی کۆی ئۆکسجینی لەش بەکار دەهێنێت.

⦾ دڵ ڕۆژانە نزیکەی 100000 جار لێ دەدات، وە لە ساڵێکدا 36500000 جار لێ دەدات، زیاتر لە ملیارێک جاریش لێ دەدات ئەگەر تەمەن لە 30 ساڵ تێپەڕی.

⦾ خڕۆکە سوورەکانی خوێن ئۆکسجین هەڵدەگرن و دەیگەیەنن بە هەموو خانەکانی لەش، ئەم خڕۆکانە لە مۆخی سووری ئێسک لەناو ئێسکەکاندا دروست دەبن.

⦾ ڕەنگی پێستی مرۆڤ پەیوەستە بە ڕێژەی بەرهەمهێنانی میلانین لەناو لەشدا، ڕەنگی پێست سپی دەبێت ئەگەر ڕێژەی میلانین کەم بێت، ئەگەر ڕێژەی میلانین زۆر بێت ئەوا ڕەنگی پێست تۆختر دەبێت.

⦾ سییەکانی کەسێکی پێگەیشتوو ڕووبەری ڕووەکەیان نزیکەی 70 مەتر چوار گۆشەیە.

⦾ زۆرینەی کەسە پێگەیشتووەکان 32 ددانیان هەیە.

⦾ بچووکترین ئێسک لەناو لاشەی مرۆڤدا دەکەوێتە ناوەڕاستی گوێ و بە ئێسکی ئاو زەنگ ناودەبرێ درێژییەکەی 2.8 ملم.

⦾ گوێ و لووت بە درێژایی تەمەن لە گەشەکردن بەردەوامن و گەورە دەبن.

⦾ منداڵی ساوا جارێک یان دوو جار چاو دەترووکێنێت لە خولەکێکدا، کەسی پێگەیشتوو نزیکەی 10 جار چاو دەترووکێنێت لە هەر خولەکێکدا.

⦾ هەر وەک چۆن مرۆڤەکان شێوەی پەنجەمۆرییان لە یەک ناچێت، زمانیشییان لە یەک ناچێت.

⦾ بەشی چەپی لەش لەلایەن بەشی ڕاستی مێشکەوە ئاراستە دەکرێت و هەروەها بەشی ڕاستی لەش لەلایەن بەشی چەپی مێشکەوە سەرپەرشتی دەکرێت.