⦾  ماگما بەردێکی شلەوە بووی زۆر گەرمە کە دەکەوێتە ژێر توێکڵی زەوییەوە، وە کاتێک توێکڵی زەوی دەبڕێت و لەگەڵ بورکانەکان دێتە دەرەوە پێی دەگوترێت لاڤا.

⦾ لە بنچینەدا گازی سروشتی هیچ جۆرە بۆنێکی نییە، بەڵام لەلایەن مرۆڤەوە بۆنێکی بەهێزی بۆ زیاد دەکرێت لە پێناو ئەوەی هەر کات دزەی کرد و بڵاوبوویەوە هەستی پێ بکرێت.

⦾ دوورگەی هاوای ساڵانە تێکڕا 10 سانتیمەتر بە ئاراستەی ژاپۆن دەجووڵێت. ئەمەش لەبەر ئەوەی هەر یەکەیان دەکەونە سەر پلێتێکی تەکتۆنی جیاواز.

⦾ بیابانی سەحرا گەورەترین بیابانی جیهانە (لە دەرەوەی ناوچەی جەمسەری)، کە نزیکەی یەک لەسەر سێی هەموو زەوی ئەفریقا پێک دەهێنێت.

⦾ ڕووباری نیل درێژترین ڕووباری سەر ڕووی زەوییە کە بە شێوەیەکی سەرسووڕهێن درێژ دەبێتەوە و درێژییەکەی دەگاتە 6696 کیلۆمەتر.

⦾ بەردی ئیسفنجی کە بەردێکی بورکانە، تاکە بەردە کە سەر ئاو دەکەوێت.

⦾ چیای ئیڤرێست بەرزترین چیای سەر زەوییە کە لووتکەکەی لە ئاستی ڕووی دەریاوە 8848 مەتر بەرزە.

⦾ ئەو بوومەلەرزانەی کە لە دەریاکاندا ڕوو دەدەن دەتوانن ببنە هۆی دروستبوونی تسونامی زۆر گەورە، کە دەکرێت بگاتە وشکانی و زیان بە مرۆڤ بگەیەنێت.

⦾ دەریای ئەتڵەسی بە پڕ خوێتریین دەریای سەر زەوی هەژمار دەکرێت.

⦾ تاڤگەکانی نیاگارا دەکەونە سەر سنووری نێوان ئەمریکا و کەنەدا.

⦾ بەربەستی مەزنی ڕیف لە ئوسترالیا گەورەترین بەربەستە لە جیهاندا، کە ڕووبەرەکەی 2600 کم چوارگۆشەیە، 900 دوورگە لە خۆ دەگرێت. وە نزیکەی 2900 جۆر گیای مەرجانی تێدایە.

⦾ تالک نەرمترین توخمی دۆزراوەی سەر زەوییە و بۆ دروستکردنی بۆدرەی تالک بەکار دێت.

⦾ دارستانەکانی ئەمازۆن بە گەورەترین دارستانی سەر ڕووی زەوی هەژمار دەکرێن.