ئایا دەزانیت باران بارین لە هەسارەکانی تریشدا ڕوو دەدات؟ !

ئایا دەزانیت ئەنتارکتیکا وشکترین کیشوەرە لەسەر ڕووی زەوی؟!

لێرەدا فێر دەبین کەوا باران بارین چۆن ڕوو دەدات وە بۆچی ئەوەندە گرنگە بۆ ژیان لەسەر ڕووی زەویدا.

⦾  باران بەشێوەی دڵۆپی ئاو لە هەورەکانی ئاسماندا دەبارێت بۆ سەر زەوی وە پڕۆسەی باران بارین دروست دەکات.

⦾ ئاو دەکرێت لە ئاسمانەوە بەشێوەی باران، تەرزە یاخود بەفر ببارێت بۆ سەر زەوی.

⦾ باران بەشێکی گرنگی سووڕی ئاوە لە نێوان زەوی و ئاسماندا.

⦾ باران بارین لە هەسارەکانی تری کۆمەڵەی خۆری ئێمەش دا ڕوو دە دات بەڵام بە شێوەیەکی جیاوازتر لەوەی کە ئێمە دەیزانین بۆ نموونە: بارانی هەسارەی ڤینۆس پێکهاتووە لە (سولفەریک ئەسید) وە بەهۆی ئەو گەرمی یە زۆرەی لە هەسارەکەدا هەیە ئەوا ئەو بارانە دەبێتە هەڵم پێش ئەوەی بە ڕووی هەسارەکەدا بکەوێت.

⦾ ڕاداری کەش و هەوا بەکاردێت بۆ پێشبینی کردنی باران.

⦾ پێوەری باران بارین بەکاردێت بۆ پێوانی ڕێژەی باران لە ماوەیەکی دیاری کراودا.

⦾ بەرزترین ڕێژەی باران بارین کە ڕووی دابێت لە ماوەی 24 کاتژمێر بریتی بووە لە 182.5 سم کە دەکاتە 71.9 ئینچ لە Foc-Foc لە La-Reunion کە بەشێوەی زریان و گەردەلوول بووە لە 8 ی مانگی 1ی 1966 دا.

⦾ بەرزترین ڕێژەی باران بارین لە ماوەی ساڵێکدا کە تۆمارکرابێت بریتی بووە لە 25.4م کە دەکاتە 1000 ئینج لە Cherrapunji لە وڵاتی هیندستان دا.

⦾ ئەنتارکتیکا بریتییە لە وشکترین کیشوەری سەر ڕووی زەوی.

⦾ بارانی یەکجار زۆر دەکرێت ببێتە هۆی لافاو و داڕمانی زەوی.

⦾ ئێمە دەتوانین بەهۆی باران بارین وزەی کارەبا بەدەست بهێنین بە ڕێگای Hydropower .

⦾ گژوگیا پێویستی بە ئاوە بۆ ژیان کە بەشێکی زۆری ئەو ئاوەش لە ڕێگای باران بەدەست دەهێنن.

⦾ ئەو دارستانانەی کە ڕێژەیەکی زۆر باران تێیاندا دەبارێت پێیان دەڵێن دارستانی باراناوی (Rainforest ).

⦾ ئەو بارانانەی کە ڕێژەیەکی زۆر (ئەسید)یان تێدایە پێیان دەڵێن بارانی ئەسید (Acid Rain ) کە ڕوو دە دات بەهۆی بڵاوبوونەوەی دیئۆکسیدی سولفەر و ئۆکسیدی نایترۆجین بۆ ناو هەوا کە زیاتر بەهۆی کارگەکان و شوێنی بەرهەم هێنانی وزە دا ڕوو دە دات، کە زیان بە گژوگیا و گیانلەبەران دەگەیەنن.